ហេតុអ្វីបានជាធ្មេញរបស់ខ្ញុំស្រៀវ?

តើអ្នកធ្លាប់មានអារម្មណ៍ឈឺចាប់ឬមិនស្រួលបន្ទាប់ពីញ៉ាំការ៉េមឬស៊ុបក្តៅទេ? បើដូច្នោះមែនអ្នកមិនតែម្នាក់ឯងទេ។ ខណៈពេលដែលការឈឺចាប់ដែលបណ្តាលមកពីអាហារក្តៅឬត្រជាក់អាចជាសញ្ញានៃប្រហោងធ្មែញវាក៏ជារឿងធម្មតាដែរចំពោះអ្នកដែលមានធ្មេញស្រៀវ។

ធ្មេញស្រៀវ "dentin hypersensitivity" គឺជាអ្វីដែលស្តាប់ទៅដូចជា: ការឈឺចាប់ឬភាពមិនស្រួលនៅក្នុងធ្មេញដែលជាការឆ្លើយតបទៅនឹងកត្តាជំរុញមួយចំនួនដូចជាសីតុណ្ហភាពក្តៅឬត្រជាក់។វាអាចជាបញ្ហាបណ្តោះអាសន្នឬបញ្ហារ៉ាំរ៉ៃហើយវាអាចប៉ះពាល់ដល់ធ្មេញតែមួយឬធ្មេញទាំងអស់នៅក្នុងមាត់។ វាអាចមានមូលហេតុផ្សេងៗគ្នាជាច្រើនប៉ុន្តែភាគច្រើននៃធ្មេញស្រៀវត្រូវបានព្យាបាលយ៉ាងងាយស្រួលជាមួយនឹងការផ្លាស់ប្តូររបបអាហារដែលមានអាស៊ីតខ្ពស់នឺងអនាម័យមាត់ធ្មេញអោយបានខ្ពស់។

រោគសញ្ញានៃធ្មេញស្រៀវ

មនុស្សដែលមានធ្មេញស្រៀវអាចជួបប្រទះការឈឺចាប់ឬមិនស្រួលក្នុងការឆ្លើយតបទៅនឹងកត្តាមួយចំនួន។ អ្នកអាចមានអារម្មណ៍ឈឺចាប់នៅត្រង់ឫសនៃធ្មេញដែលរងផលប៉ះពាល់។ កត្តាសំខាន់បំផុតរួមមាន:

• អាហារក្តៅនិងភេសជ្ជៈក្តៅ
• អាហារត្រជាក់និងភេសជ្ជៈក្តៅ
• ខ្យល់ត្រជាក់
• អាហារនិងភេសជ្ជៈផ្អែម
• អាហារអាសុីតនិងភេសជ្ជៈកំពុង
• ទឹកត្រជាក់ជាពិសេសក្នុងកំឡុងពេលសម្អាតធ្មេញ
• ពេលដុសសំអាតធ្មេញ
• ការប្រើប្រាស់ទឹកខ្ពុលមាត់មានអាល់កុល

រោគសញ្ញានេះអាចកើតមានឡើងម្តងបន្តិចម្តងៗ ពួកវាអាចមានចាប់ពីស្រាលទៅខ្លាំង។

អ្វីដែលបណ្តាលឱ្យធ្មេញស្រៀវ?

មនុស្សខ្លះមានធ្មេញស្រៀវពីធម្មជាតិដោយសារតែមានកាចារធ្មេញ(enamel)ស្តើង។ enamelគឺជាស្រទាប់ខាងក្រៅនៃធ្មេញដែលការពារវា។ ក្នុងករណីជាច្រើនកាចាររបស់ធ្មេញអាចត្រូវបានកាត់បន្ថយដោយសារ:

• ដុសធ្មេញខ្លាំងពេក
• ប្រើច្រាស់ដុសធ្មេញរឹង
• សគ្រាតធ្មេញនៅពេលយប់
• ញ៉ាំឬផឹកនូវអាហារអាសុីតនិងភេសជ្ជៈច្រើន

ជួនកាល, លក្ខខណ្ឌផ្សេងទៀតក៏អាចនាំឱ្យមានការស្រៀវធ្មេញដែរ។ ជាឧទាហរណ៍ការច្រាលទឹកក្រពះពោះវៀនធំ (GERD) អាចបណ្តាលអោយអាស៊ីតឡើងពីក្រពះនិងបំពង់អាហារហើយអាចធ្វើអោយធ្មេញសឹកបាន។ ការក្អួតញឹកញាប់អាចបណ្តាលអោយអាស៊ីតក្នុងក្រពះបំផ្លាញ់កាចារធ្មេញបាន។

ការធ្លាក់ចុះនៃអញ្ចាញ​ អាចបណ្តាលអោយផ្នែកខ្លះនៃធ្មេញដែលត្រូវលេចចេញនិងមិនមានការការពារពីអញ្ចាញហើយបណ្តាលឱ្យមានភាពស្រៀវផងដែរ។

ធ្មេញពុក ធ្មេញបែក ធ្មេញសឹក​ ធ្មេញដែលប៉ះមិនបានល្អនិងការឆាបស្រោបធ្មេញមិនបានល្អនឹងមិនជិតល្អអាចបណ្តាលឱ្យមានភាពស្រៀវ។

ធ្មេញរបស់អ្នកអាចមានការស្រៀវបណ្តោះអាសន្នបើសិនជាអ្នកមានកាព្យាបាលធ្មេញដូចជា,ការប៉ះធ្មេញ ស្រោបធ្មេញឬការសម្អាតធ្មេញជាដើម។ ក្នុងករណីនេះការស្រៀវធ្មេញមានតែនៅលើធ្មេញដែលទទួលការព្យាបាលរឮតែប៉ុណ្ណោះ។ ហើយវានឹងត្រលប់មកភាពដើមវិញនៅប៉ុន្មានថ្ងៃទៀត។

តើធ្មេញស្រៀវត្រូវបានគេធ្វើរោគវិនិច្ឆ័យដូចម្តេច?

ប្រសិនបើអ្នកធ្លាប់ជួបប្រទះភាពស្រៀវធ្មេញជាលើកដំបូងសូមធ្វើការណាត់ជួបជាមួយពេទ្យធ្មេញ។ ទន្តពេទ្យអាចមើលទៅលើសុខភាពធ្មេញរបស់អ្នកនិងពិនិត្យរកមើលបញ្ហាដែលមានដូចជាប្រហោងធ្មេញកាធ្មេញប៉ះបែកឬអញ្ចាញធ្មេញស្រុតចុះអាចបណ្តាលឱ្យមានភាពស្រៀវ។

តើធ្មេញស្រៀវត្រូវបានព្យាបាលយ៉ាងដូចម្តេច?

1. ប្រើថ្នាំដុសធ្មេញបំបាត់ស្រៀវ
2. ប្រើទឹកខ្ពុលមាត់គ្មានេសារធាតុអាល់កុល
3. ដុសធ្មេញថ្មមៗជាមួយច្រាស់ដែលមានសរសៃអំបោះទន់

ប្រសិនបើករណីស្រៀវបណ្តាលមកពីអញ្ចាញស្រុតចុះការព្យាបាលដោយការវះកាត់បន្ថែមអញ្ចាញត្រូវបានធ្វើដើម្បីបំបាត់ស្រៀវ។

ពេទ្យធ្មេញហ្រ្វេសមានទន្តបណ្ឌិតដែលមានជំនាញនឹងបទពិសោធន៍ច្រើនឆ្នាំទទួលការបណ្ដុះបណ្តាលក្នុងនឹងក្រៅប្រទេសនៅចាំដោះស្រាយនូវបញ្ហារបស់លោកអ្នកដោយេវិជ្ជាជីវះនឹងក្រមសិលធម័ខ្ពស់

អស័យដ្ធាន​ ផ្ទះលេខ176C ផ្លូវ 143 សង្កាត់ បឹងកេងកង3​ ខណ្ឌ ចំការមន ភ្នំពេញ
ទំនាក់ទំនងតាមរយះលេខទូរសព្ទ​ 012358779, 069551182 Email  hordara@yahoo.com